Dearbhair LTS
’S e dearbhair-litreachaidh a tha ann an Dearbhair LTS a chaidh a dhèanamh le Foghlam Alba, stèidhichte air an dearbhair a rinn Roy Wentworth nach maireann. Ceartaichidh seo mu 200,000 diofar facal dhut.
Microsoft Office 2003-2010 (air Windows)
Chaidh seo a dhealbhadh gu sònraichte airson Office 2003 ach air cuid a shiostaman, obraichidh e air Office 2007 agus 2010 cuideachd ach chan eil barantas. Cha chuala sinn gu ruige seo gu bheil e ag obair air Office 2013. Faigh greim air an fhaidhle a stàlaicheas dhut e. Nuair a bhios sin agad, cuir gu dol e.
Seo na dh’fheumas tu dèanamh an uairsin: Comharraich an teacsa a tha ann an Gàidhlig agus a tha ri cheartachadh (no an teacsa air fad, feuch CTRL + a), briog air Tools » Language » Set Language:
Agus far a bheil e ag ràdh Mark selected text as, tagh Gaelic (Scotland):
Agus OK an uairsin. Innsidh seo dha Word gu bheil an teacsa ann an Gàidhlig (mar is trice, bidh e dhen bheachd gur e Beurla a tha anns gach rud a sgrìobhas tu). Ma nì thu briogadh deas air facal fon a bheil loidhne dhearg a-nis, chì thu na molaidhean:
Obraichidh seo ann am PowerPoint cuideachd ach air dòigh beagan eadar-dhealaichte. Sgrìobh rudeigin agus tadhail air Tools » Language:
Agus far a bheil e ag ràdh Mark selected text as, tagh Gaelic (Scotland):
LibreOffice/OpenOffice
Rinn Dòmhnall (Sealgair) MacDhòmhnaill tionndadh dheth a dh’obraicheas ann an LibreOffice/OpenOffice (mur eil am fear a tha ’nam broinn o thùs a’ còrdadh riut). Briog air a’ cheangal seo agus briog air Download extension. Feumaidh LibreOffice no OpenOffice a bhith stàlaichte agad mus obraich seo ach ma tha, bheir am brabhsair agad cothrom dhut fhosgladh ann an LibreOffice no OpenOffice:
Gus còmhstri eadar an dà dhearbhair Gàidhlig a sheachnadh, bu chòir dhut an Dearbhair Beag a thoirt air falbh ann an LibreOffice no OpenOffice is tu a’ briogadh air Innealan » Manaidsear nan leudachan » Thoir air falbh:
Mac OS X
A-rithist, rinn Dòmhnall (Sealgair) MacDhòmhnaill tionndadh dheth a dh’obraicheas air OS X. Tha e furasta air Snow Leopard (10.6) agus tionndaidhean nas ùire – cha leig thu leas ach am faidhle seo a luchdadh a-nuas, briogadh air agus a mhunntaigeadh. Ma tha thu air siostam nas sine na sine, thoir sùil air an làrach aig Dòmhnall chòir.